Инженерлік ізденістер

ТОБЖ құрылысының жобасын әзірлеуден бұрын кабель төсеу трассасында инженер-геодезистердің қатысуымен ізденіс жұмыстары жүргізіледі. Ізденіс жұмыстарының сапасы кейінгі жобалау жұмыстарының сапасына тікелей әсер етеді және ТОБЖ төсеу бойынша құрылыс-монтаж жұмыстары барысында көптеген мәселелердің алдын алады. Осыған байланысты біз бұл жұмыс түріне ерекше көңіл бөлеміз.

Ізденіс жұмыстарының мақсаты — жобаланатын трасса дәлізіндегі жер бедеріне топографиялық түсірілім жүргізу. Жобаланатын ТОБЖ кабелінің инженерлік коммуникациялармен қиылысу орындарына топографиялық түсірілім жүргізуге, қолданыстағы құбыржолдарды, байланыс кабель желілерін, электрмен жабдықтау және басқа да коммуникацияларды олардың нақты орналасуы мен тереңдігін анықтай отырып іздеуге, автомобиль және теміржолдарды, су кедергілерін анықтауға маңызды рөл беріледі.

Жобалау орталығының инженер-геодезистері заманауи геодезиялық жабдықпен қамтамасыз етілген: Leica фирмасының электронды тахеометрлері, G850 геодезиялық спутниктік жүйесі, су кедергілерінің тереңдігін өлшеуге арналған навигатор-эхолот, электронды қашықтық өлшегіштер, мобильді радиостанциялар, арнайы бағдарламалық қамтамасыз етілген ноутбуктер.

Жобалау орталығының құрамына инженерлік-геологиялық ізденістер бөлімшесі кіреді. Бұл бөлімшенің мамандары жоба инженерлеріне жобаланатын ТОБЖ трассасындағы топырақ санаты туралы ақпарат беру жұмыстарын жүргізеді. Бұл ақпарат құрылыс-монтаж жұмыстарын орындау үшін жұмыс әдістері мен құрылыс техникасын таңдауда технолог-инженерлер үшін өте маңызды.

Инженерлік-геологиялық ізденістер бөлімшесі мол тәжірибесі бар жоғары білікті мамандармен жасақталған. Олардың қарамағында — жылжымалы бұрғылау қондырғысы, топырақ сынамаларының физика-химиялық қасиеттерін анықтауға арналған топырақтану зертханасы, компьютерлік техника.